पाकिस्तानका ६ खेलाडीलाई कोरोना

एजेन्सी । न्युजिल्याण्ड भ्रमणमा रहेको पाकिस्तानी क्रिकेट टिमका ६ खेलाडीमा कोरोना भाईरसको संक्रमण देखिएको छ ।

न्युजिल्याण्ड क्रिकेटले एक विज्ञप्ति निकाल्दै पाकिस्तानका ६ खेलाडीमा कोरोना देखिएको जनाएको छ ।

तर, कोरोना संक्रमित खेलाडीको नाम भने खुलाईएको छैन ।

३५ सदस्सीय खेलाडीसहितको पाकिस्तानी टिम मंगलबार न्युजिल्याण्ड पुगेको थियो ।

यस्तै न्युजिल्याण्ड क्रिकेटले पाकिस्तानी टिमले पहिलो दिन नै कोरोना प्रोटोकल तोडेको समेत जनाएको छ ।

पाकिस्तानले न्युजिल्याण्ड भ्रमण दौरान टी-ट्वान्टी र टेस्ट सिरिज खेल्नेछ ।

पाकिस्तान र न्युजिल्याण्डबीचको टी-ट्वान्टी सिरिज डिसेम्बर १८ बाट सुरु हुनेछ ।

यस्तै टेस्ट सिरिज २६ डिसेम्बरबाट सुरु हुनेछ ।