युभेन्ट्सलाई शीर्ष दुईमा पुग्ने मौका

एजेन्सी । इटालियन सिरी 'ए' फुटबलमा साविक विजेता युभेन्ट्सले आज लाजियोसँग खेल्दैछ ।

युभेन्ट्सले बलियो टिम लाजियोसँग उसैको मैदानमा खेल्नेछ । दुई टिमबीचको खेल नेपाली समय अनुसार ५:१५ बजे सुरु हुनेछ ।

घरेलु टिमविरुद्ध मैदान उत्रदा युभेन्ट्स सहज जितको खोजीमा हुनेछ । युभेन्ट्स सिजनको चौंथो जित निकाल्ने योजनामा हुनेछ ।

युभेन्ट्स ६ खेलमा १२ अंक जोडेर तेस्रो स्थानमा रहेको छ ।

लाजियो १० अंक जोडेर नवौं स्थानमा रहेको छ । लाजियो घरेलु मैदानमा जित निकाल्दै शीर्ष पाँचमा उक्लन चाहन्छ ।

सिरी 'ए' अन्तर्गत नै लिग लिडर एसी मिलानले घरेलु मैदानमा हेलास भेरोनासँग खेल्नेछ ।

मिलान घरेलु मैदानमा जित निकाल्दै शीर्ष स्थानको अग्रता कायम गर्न चाहन्छ ।

मिलानले ६ खेलमा १६ अंक जोडेको छ ।

यस्तै एटलान्टाले घरेलु मैदानमा इन्टर मिलानसँग खेल्नेछ ।

रोमाले जिओनासँग खेल्दा नापोली बोलोग्नासँग खेल्नेछ ।