एजेन्सी । बार्सिलोनाका प्रशिक्षक रोनाल्ड कोम्यानले लियोनल मेस्सीसंग राम्रो सम्बन्ध रहेको बताएका छन् ।
क्लबका पूर्व प्रशिक्षक क्विक सेटियनको भनाईको प्रतिवाद गर्दै कोम्यानले मेस्सीसंग राम्रो सम्बन्ध रहेको बताए ।
सेटियनले यसअघि बार्सिलोना स्टार मेस्सीलाई व्यवस्थापन गर्न कठिन रहेको बताएका थिए ।
बार्सिलोनाका पूर्व प्रशिक्षक सेटियनलाई क्लबले गत अगष्टमा बर्खास्त गरेको थियो ।
उनले गत आईतबार एक अन्तरवार्तामा प्रशिक्षकको रुपमा मेस्सीलाई व्यवस्थापन गर्न कठिन रहेको बताएका थिए ।
‘म सबैको विचारको सम्मान गर्छु । तर मेरा लागि लियो विश्वका सर्वोकृष्ट खेलाडी हुन् ।’ कोम्यानले भने ।
बार्सिलोनाले बुधबार राति च्याम्पियन्स लिगमा डायनामो किभसंग खेल्दैछ ।
‘मैले उनको लक्ष्य देखेको छु । हरेक दिन उनको जित्ने चरित्रलाई हेरेको छु । उनी मेरा लागि कठिन खेलाडी हैनन् । उनी कप्तान हुन् । म हरेक हप्ता मैदान भित्र र बाहिरको बिषयमा कुरा गर्छु । मेरो उनीसंग राम्रो सम्बन्ध छ ।’ उनले थपे ।
मेस्सीले यस सिजन ८ खेलमा ३ गोलमात्र गरेका छन् । सबै गोल पेनाल्टीमा छन् । उनी ला लिगाका पछिल्ला ५ खेलमा गोल विहिन छन् ।
