होण्डाले स्थापना गरेको क्लबको नाम परिवर्तन

एजेन्सी । जापानका पूर्व मिडफिल्डर केइसुके होण्डाले स्थापना गरेको क्लबको नाम परिवर्तन भएको छ ।

इटालियन क्लब एसी मिलानका स्टार होण्डाले स्थापना गरेको एमेच्योर क्लब वन टोकियोको नाम परिवर्तन भएको हो ।

समर्थकको मतको आधारमा क्लबको नयाँ नाम दिईएको हो ।

अब क्लबको नाम इडो अल युनाईटेड रहने छ ।

ब्राजिलियन क्लब बोटाफोगोबाट खेलिरहेका होण्डाले गत जनवरीमा क्लब स्थापना गरेका थिए ।

होण्डाले जापानको लागि ९८ खेल खेल्दै ३७ गोल गरेका छन् ।

उनले सन् २०१८ मा रुसमा भएको विश्वकपपछि सन्यास घोषणा गरेका थिए ।