यू-१९ वुमन्स विश्वकप स्थगित हुने सम्भावना

एजेन्सी । बंगलादेशमा आयोजना हुने आईसीसी यू-१९ वुमेन्स विश्वकप क्रिकेट स्थगित हुने सम्भावना बढेको छ ।

कोरोना भाईरसको महामारी कायम रहेपछि विश्वकप स्थगित हुने सम्भावना बढेको हो ।

विश्वकप आगामी २०२१ को जनवरीमा हुने तालिका रहेको छ ।

तर, कोरोनाको कारण ठुला प्रतियोगिता स्थगित भईसकेको अवस्थामा आईसीसीले यू-१९ वुमेन्स विश्वकप समेत स्थगित गर्ने क्रिकइन्फोले जनाएको छ ।

आईसीसीले प्रतियोगिता स्थगित गर्नेबारे निर्णय आगामी नोभेम्बरमा गर्ने बताईएको छ ।

कोरोनाकै कारण २०२० मा तय भएको पुरुषको टी-ट्वान्टी विश्वकप, २०२१ मा तय भएको महिलाको एकदिवसीय विश्वकप स्थगित भईसकेको छ ।

स्थगित प्रतियोगिता २०२२ मा आयोजना गरिने बताईएको छ ।