गोडिन काग्लियारीमा अनुबन्धित

एजेन्सी । उरुग्वेका डिफेन्डर डिएगो गोडिन सिरी ए क्लब काग्लियारीमा अनुबन्धित भएका छन् ।

काग्लियारीले गोडिनलाई इन्टर मिलानबाट फ्रि ट्रान्सफरमा अनुबन्धित गरेको हो ।

३४ वर्षीय सेन्टर डिफेन्डरले काग्लियारीसँग ३ वर्षको सम्झौता गरेका छन् ।

गोडिन इन्टरमा एक सिजन बसेर काग्लियारी आएका हुन् ।

गत सिजन इन्टरमा गोडिनले ३६ खेलमा २ गोल गरेका थिए ।

स्पेनिस क्लब एट्लेटिको मड्रिडमा ९ वर्ष बिताएर गत सिजन उनी इन्टर आएका थिए ।

त्यसअघि उनले भिल्ला रियलबाट खेलेका थिए ।

गोडिनले उरुग्वेका लागि १ सय ३५ खेल खेलिसकेका छन् ।

उनी उरुग्वेका कप्तान समेत हुन् ।