एजेन्सी । लियोनल मेस्सीका बुवा तथा एजेन्ट जर्ज मेस्सीले ला लिगाले उल्लेख गरेको ७ सय मिलियन युरोको रिलिज क्लज मान्य नहुने बताएका छन् ।
३३ बर्षका फरवार्डले गत हप्ता स्पेनिस महारथी क्लब छाड्न चाहेको निर्णय सुनाउँदै बार्सिलोना समक्ष निशुल्क छाड्न अनुरोध गरेका थिए ।
ला लिगाले ७ सय मिलियनको रिलिज क्लज पुरा नगरेसम्म मेस्सीलाई नछाड्ने बताएको थियो ।
मेस्सीका पिता जर्ज मेस्सीले रिलिज क्लजको शर्त गत सिजननै समाप्त भएको दाबी गरेका छन् ।
शुक्रबार मेस्सीका बुवाले पत्र लेख्दै सम्झौतामा मिति निर्धारित नगरिको भन्दै कुनैपनि समय क्लब छाड्ने विकल्प प्रयोग गर्न मिल्ने बताएका थिए ।
उनले क्लबसंग मेस्सीको सम्झौता गत सिजनको अन्तिममै सकिएको दाबी गरेका छन् ।
पछिल्ला रिपोर्टले मेस्सी स्पेनमै रहनका लागि तयार रहेको समेत उल्लेख गरिएको थियो । तर बार्सिलोनाको भावी अध्यक्षका प्रत्यासी भिक्टर फ्रोन्टले यसको सम्भावना नरहेको बताएका छन् ।
‘यो एक आश्चर्यको बिषय हुन्छ । किनकी यस्तो लाग्छ, उनी निर्णयमा दृढ देखिन्छन् ।’ उनले भने ।
‘तर मैले सधै भन्ने गरेको छु, यो सम्पन्न नभएसम्म आशा भन्ने चिज सधै रहन्छ । आशा गरौं, यो बिषयमा यस्तै होस ।’ फ्रोन्टले थपे ।
म्यान्चेष्टर सिटी ६ पटकका वालेन डी ओर विजेतालाई अनुबन्धन गर्ने दौडमा अघि देखिन्छ ।
‘मेस्सीले प्रतिस्पर्धा र जित चाहेका छन् ।’ उनले भने ।
‘मलाई लाग्छ, पेप ग्वार्डीओला सबै भन्दा राम्रो प्रशिक्षक मध्य एक हुन् । मेस्सीलाई भरोसा हुनुपर्छ, उनलाई पेपले फेरी जिताउन मदत गर्नेछन् ।’ फ्रोन्ट भन्छन् ।
‘म्यान्चेष्टर सिटी युरोपेली क्लब फुटबलको सबैभन्दा बलियो टोली हो । मलाई लाग्छ, पेपको नेतृत्वलाई मेस्सीले राम्रो विकल्प सोचेको हुनुपर्छ ।’ उनले भने ।
