नेयमार भन्छन्, ‘मेस्सी र रोनाल्डो यो ग्रहका हैनन्’

एजेन्सी । ब्राजिली स्टार नेयमारले लियोनल मेस्सी र क्रिस्टियानो रोनाल्डो यस ग्रहको नभएको बताएका छन् ।

समकालिन फुटबलका सर्वाधिक सफल दुई फुटबलरको प्रशंसा गर्दै नेयमारले मेस्सी र रोनाल्डो यस ग्रहको नभएको उल्लेख गरेका हुन् ।

उनले मेस्सी र रोनाल्डो जस्तै वालेन डी ओर जित्ने आफ्नो लक्ष्य रहेको बताए ।

ब्राजिली स्टार नेयमारबाट प्रेरित पीएसजी युरोपेली क्लब फुटबलको सबैभन्दा ठुलो प्रतियोगिताको उपाधि नजिक पुगेको छ ।

च्याम्पियन्स लिगको फाईनलमा पीएसजीलाई पुर्याउन नेयमारले मुख्य भूमिका निर्वाह गरेका थिए । उनले अन्तिम १६ को दोस्रो लेगमा गोल गर्नुका साथै क्वार्टरफाईनल र सेमिफाईनलमा एटलान्टा र आरबी आईपेजिगबिरुद्ध जित निकाल्न मुख्य भूमिका निर्वाह गरेका थिए ।

पीएसजीलाई पहिलो पटक च्याम्पियन्स लिगको उपाधि जिताउने लक्ष्य सहित नेयमार आईतबार बायर्न म्युखिनबिरुद्ध उत्रदैछन् ।

उनी समकालिन क्लब फुटबलका सर्वाधिक महङ्गा फुटबलर हुन् । उनी कीर्तिमानी २ सय २० मिलियन पाउण्डमा बार्सिलोनाबाट पीएसजी आएका थिए । तर उनी पछिल्ला तीन सिजन आफुमाथिको लगाईएको महङ्गो मुल्यलाई न्याय गर्न सकिरहेका छैनन् ।

वालेन डी ओर जित्ने लक्ष्य सहित उनले बार्सिलोना छाडेका थिए । बार्सिलोनाका मेस्सी र युभेन्ट्सका रोनाल्डोले पछिल्ला १२ मध्य ११ पटक वालेन डी ओरको अवार्ड हात पारेका छन् ।

पीएसजी फाईनल पुगेसंगै नेयमारका धेरै आलोचक शान्त छन् । आईतबारको खेलमा जित निकालेको खण्डमा उनले विश्व फुटबलको सर्वश्रेष्ठ व्यक्तिगत अवार्डमा दाबी प्रस्तुत गर्नेछन् ।

नेयमारले मेस्सी र रोनाल्डोलाई आफ्नो पिढीको सर्वश्रेष्ठ खेलाडीको रुपमा स्विकार गर्दै आफु वालेन डी ओरमा पुरा रुपमा केन्द्रित रहेको बताएका छन् ।

‘मेस्सी र रोनाल्डोले पछिल्ला १० बर्ष वालेन डी ओरमा अधिपत्य कायम गरे किनकी उनीहरु यस ग्रहका थिएनन् । यसलाई जित्नु सम्मानको बिषय हो ।’ नेयमारले भनेका छन् ।

‘तर यो तिमीले मैदानमा के जित्छौ र क्लबलाई जिताउनमा के सहयोग गछौ भनेर मात्र आउँछ । मेरो ध्यान यसैमा केन्द्रित छ ।’ उनले भने ।

‘च्याम्पियन्स लिग जित्नु पक्कैपनि विशेष हो । यो मलाई थाहा छ । तर पीएसजीमा रहेर जित्नु ईतिहास लेख्नुपनि हो । र म यहाँ यही गर्न आएको हुँ ।’ नेयमारले थपे ।

२८ बर्षका फरवार्डले यस सिजन १९ गोल गर्नुका साथै १२ गोलको अवसर सिर्जना गरेका छन् ।

‘सेमिफाईनलमा निकै राम्रो प्रर्दशन रह्यो । तर सेमिफाईनल कसले जित्यो, त्यो कसैले याद गर्ने छैन् ।’ नेयमार भन्छन् ।

‘समय सकिएको छ । बायर्न निकै राम्रो स्वाद प्रस्तुत गर्न गईरहेको छ । हामी तयार छौ । उनीहरुसंग धेरै राम्रा खेलाडी छन् । तर हामीपनि उच्च स्तरमा छौ । र म पीएसजी आए देखिनै उत्कृृष्ट फर्ममा रहेको महशुश गरिरहेको छु ।’ उनले भने ।