एजेन्सी । बार्सिलोना तथा स्पेनका लिजेण्ड जाभी कोरोनाबाट संक्रमित भएका छन् ।
परिक्षणका क्रममा जाभीलाई कोरोना संक्रमणको पुष्टि भएको हो ।
कतारी क्लबका म्यानेजरले आफुलाई कोरोनाको कुनै लक्षण नदेखिएपनि संक्रमण पुष्टि भएको बताएका छन् । उनले आफु निको नहुन्जेलसम्म एकान्तवासमा गएको बताएका छन् ।
जाभीले नेतृत्व गरेको अल सद्धले शनिबार अल खोरसग खेल्ने तय भएको थियो । कोराना भाईरसको महामारीका कारण करिब चार महिना स्थगित भएको कतारको शीर्ष डिभिजनको फुटबल फर्कन लागेको छ ।
‘आधिकारिक प्रतियोगिता फर्कदा टिमसंग जान सक्ने छैन ।’ जाभाीले भनेका छन् ।
‘सहायक प्रशिक्षकको रुपमा डेविड प्रेट्सले टिममा मेरो भूमिका निर्वाह गर्नेछन् ।’ उनले थपेका छन् ।
‘केही दिन अघि क्युएसएलको प्रोटोकल अनुसार परिक्षणको क्रममा मलाई कोरोना पोजेटिभ देखिएको छ ।’ उनले भनेका छन् ।
‘भाग्यवस मैले राम्रो महशुश गरेको छु । तर मैले प्रोटोकललाई अपनाएको छु । निको नहुन्जेलसम्म म एकान्तवासमा हुनेछु ।’ उनले थपे, ‘जब स्वास्थ्य अधिकारीले मलाई अनुमती दिनेछन् । त्यसपछि दैनिक काममा फर्कनेछु ।’
‘चाँडै फुटबल मैदानमा भेट गर्नेछु ।’ जाभीले भनेका छन् ।
जाभीले सन् २०१९ को मार्चबाट क्लबलाई प्रशिक्षण दिईरहेका छन् । उनकै नेतृत्वमा क्लबले गत बर्ष एएफसी च्याम्पियन्स लिगको फाईनल पुगेको थियो ।
उनले चार बर्ष खेलाडीको रुपमा क्लबलाई सेवा गरेका थिए । उनी सन् २०१५ मा क्लबमा आबद्ध भएका थिए । उनले बार्सिलोनालाई तेहेरो उपाधि जिताएर सन् २०१४–१५ को सिजनपछि स्पेन छाडेका थिए ।
-1753017726.jpeg)
