लेष्टरमाथि टोटेनहमको सानदार जित

एजेन्सी । इंग्लिस प्रिमियर लिग फुटबलमा टोटेनहमले सहज जित निकालेको छ ।

आइतबार भएको खेलमा टोटेनहमले लेष्टर सिटीलाई ३-० गोल अन्तरले पराजित गरेको हो ।

घरेलु मैदानमा टोटेनहमलाई जित दिलाउन ह्यारी केनले दुई गोल गरे । टोटेनहमले एक गोल आत्मघाती उपहार पाएको थियो ।

टोटेनहम स्टेडियममा छैटौं मिनेटमा जेम्स जस्टिनको आत्मघाती गोलबाट घरेलु टोलीले अग्रता बनाएको थियो ।

३७ औं मिनेटमा केनले गोल गर्दै टोटेनहमलाई २-० को अग्रता दिलाए ।

त्यसपछि खेलको ४० औं मिनेटमा केनले व्यक्तिगत दोस्रो गोल गर्दै टोटेनहमलाई ३-० को जित दिलाए ।

जितसँगै टोटेनहम लिगको छैटौं स्थानमा उक्लिएको छ । टोटेनहमले ३७ खेलमा ५८ अंक जोडेको छ ।

लेष्टर ६२ अंक जोडेर चौंथो स्थानमा रहेको छ ।