मेस्सी बार्सिलोनामै रहने ग्वार्डिओलाको विश्वास

एजेन्सी । म्यानचेस्टर सिटीका मुख्य प्रशिक्षक पेप ग्वार्डिओलाले अर्जेन्टिनी स्ट्राइकर लियोनल मेस्सी बार्सिलोनामै रहनेमा आफु विश्वस्त भएको बताएका छन् ।

मेस्सीले बार्सिलोना छाड्ने हल्ला चलिरहेको समय बार्सिलोनाका पूर्व प्रशिक्षक समेत रहेका ग्वार्डिओलाले उनी क्लबमै रहने विश्वास व्यक्त गरेका हुन् ।

'सिजन नसकिएसम्म म ट्रान्सफरबारे बोल्दिन,' ग्वार्डिओलाले भने, 'मेरो चाहना मेस्सी बार्सिलोनामै रहने छन् ।'

बार्सिलोनाका कप्तान मेस्सीको क्लबसँगको सम्झौता २०२१ सम्म रहेको छ । तर, पछिल्लो समय बार्सिलोना मेस्सीसँग नयाँ सम्झौता गर्न असफल भईरहेका छन् ।

मेस्सी समेत बार्सिलोना खुशी नरहेको र छाड्ने मनसायमा पुगेको बताईएको छ ।

यस्तै मेस्सी ग्वार्डिओलाको टिम सिटी आउने हल्ला समेत चलेको छ । तर, ग्वार्डिओलाले भने मेस्सी क्लबमै रहोस् भन्ने चाहना व्यक्त गरेका छन् ।

कीर्तिमानी ६ पटकको बालोन डी'ओर विजेता मेस्सीले २०१५ पछि क्लबमा लागि च्याम्पियन्स लिग जित्न सकेका छैनन् ।