तुलाधर र राउतलाई 'युवा तथा खेलकुद पत्रकारिता' पुरस्कार

काठमाडौं । युवा तथा खेलकुद मन्त्रालयबाट चार खेलकुद पत्रकार 'युवा तथा खेलकुद पत्रकारिता पुरस्कार' बाट सम्मानित भएका छन् ।

खेलकुद मन्त्रालयले सोमबार कान्तिपुर दैनिकका धुर्ब तुलाधर, अन्नपूर्ण पोस्ट दैनिकका रोशन राउत, नेपाल टेलिभिजनका प्रिया लक्ष्मी कार्की र पोखराका खेल पत्रकार केशब पाठकलाई पुरस्कृत गरेको हो ।

युवा तथा खेलकुद मन्त्री जगत बहादुर सुनारले उनीहरुलाई नगद ५०\५० हजार रुपैयाँ सहित सम्मान गरेको हो ।

सञ्चार माध्यमबाट नेपाली खेलकुद क्षेत्रमा पु¥याएको योगदान स्वरुप उनीहरुलाई खेलकुद पत्रकार तथा सम्मानबाट सम्मानित गरिएको हो ।