डी कक 'क्रिकेटर अफ दि इयर'

एजेन्सी । दक्षिण अफ्रिकाका कप्तान क्विन्टन डी ककले पुरुष 'क्रिकेटर अफ दि इयर' अवार्ड जितेका छन् ।

क्रिकेट दक्षिण अफ्रिकाले शनिबार सार्वजनिक गरेको अवार्डमा डी कक वर्षको उत्कृष्ट खेलाडी चुनिएका हुन् ।

उनले दोस्रो पटक 'क्रिकेटर अफ दि इयर' अवार्ड जितेका हुन् ।

यस्तै डी ककले 'टेष्ट क्रिकेटर अफ दि इयर' र 'प्लेयर्स प्लेयर्स अफ दि इयर' को अवार्ड समेत जितेका छन् ।

लुंगी नेग्दीले 'एकदिवसीय र टी-ट्वान्टी क्रिकेटर अफ दि इयर' को अवार्ड जित्दा डेभिड मिल्लरले 'फ्यान्स प्लेयर अफ दि इयर' को अवार्ड जितेका छन् ।

महिलातर्फको 'क्रिकेटर अफ दि इयर' , 'एकदिवसीय क्रिकेटर अफ दि इयर' र 'प्लेयर्स प्लेयर्स अफ दि इयर' अवार्ड लौरा वोल्भार्डले जितिन् ।

महिलाकै 'टी-ट्वान्टी क्रिकेटर अफ दि इयर' अवार्ड शबनिम इस्माइलले जितिन् ।

न्युकमर अफ दि इयर अवार्ड पुरुषमा एन्रीच नोर्टेज र महिलामा नोनकुलुलेको एमलाबाले जितिन् ।