ख्वाजा आईसीसीको अन्तरीम अध्यक्ष

एजेन्सी । अन्तर्राष्ट्रिय क्रिकेट परिषद (आईसीसी) का अध्यक्ष शशांक मनोहरले राजीनामा दिएका छन् ।

दुई वर्षे कार्यकाल सकिएपछि अध्यक्ष मनोहरले राजीनामा दिएको आईसीसीले जनाएको छ ।

भारतका मनोहरलाई थप अर्को कार्यकालको लागि अध्यक्ष बन्न बाटो खुल्ला रहेको थियो । तर, दुई कार्यकाल बिताईसकेका मनोहरले तेस्रो पटक अध्यक्ष बन्ने इच्छा नदेखाएका हुन् ।

अध्यक्ष मनोहरले राजीनामा दिएपछि आईसीसीको बोर्ड बैठकले इमरान ख्वाजालाई अन्तरीम अध्यक्ष चयन गरेको छ ।

आईसीसीले अर्को अध्यक्ष चयन नभएसम्मका लागि उपाध्यक्ष रहेका ख्वाजालाई अन्तरीम अध्यक्ष बनाईएको जनाएको छ ।

आईसीसीको नयाँ अध्यक्ष चयनका लागि आगामी साता निर्वाचन हुने बताईएको छ ।