रुटले पहिलो टेष्ट गुमाउने

एजेन्सी । इंग्ल्यान्डका कप्तान जोय रुटले वेस्ट इन्डिजविरुद्धको पहिलो टेष्ट गुमाउने भएका छन् ।

रुटको श्रीमतीले आगामी साता दोस्रो बच्चालाई जन्म दिने भएपछि उनले पहिलो टेष्ट गुमाउने भएका हुन् ।

इंग्ल्यान्डले जुलाई दोस्रो साताबाट वेस्ट इन्डिजसँग घरेलु भूमिमा टेष्ट सिरिज खेल्दैछ ।

रुटको अनुपस्थितिमा पहिलो टेष्टको कप्तानी बेन स्टोक्सले गर्ने छन् । स्टोक्सले पहिलो पटक इंग्ल्यान्डको कप्तानी गर्न लागेका हुन् ।

दुई टोलीबीचको पहिलो टेष्ट जुलाई ८ मा साउथह्याम्पटनको द बल मैदानमा सुरु हुनेछ ।

यस्तै ओल्ड ट्राफोर्डमा हुने दोस्रो टेष्ट जुलाई १६ र तेस्रो खेल जुलाई २४ मा सुरु हुनेछ ।

इंग्ल्यान्ड र वेष्ट इण्डिजबीचको तीन खेलको सिरिज २१ दिनमा सकिनेछ । सिरिज बन्द रंगशालामा हुनेछ ।

सिरिजका लागि वेस्ट इन्डिजका टिम इंग्ल्यान्ड आईपुगिसकेका छन् ।