एसियन गेम्स : करातेका विजय पहिलो चरणमै पराजित

काठमाडौं । इन्डोनेसियामा जारी एसियन गेम्स अन्तर्गत करातेतर्फ आइतबार नेपालका विजय लामा पहिलो चरणमै पराजित भएका छन् ।

पुरुष ६७ केजी तौल समूहमा प्रतिस्पर्धा गरेका विजय जापानका हिरोतो शिनोहारासंग १ - ० ले पराजित भए ।

योसंगै करातेमा पाँच खेलाडीको स्पर्धा सकिएको छ । अब नेपालका तीन खेलाडीले प्रतिस्पर्धा गर्न बाँकी रहेको छ ।

यसअघि नेपालका पर्शुराम बास्तोला, सोनाम लामा, चन्चला दनुवार र रिता कार्की पराजित भईसकेका छन् ।