ला लिगा क्लबको सामुहिक प्रशिक्षण आजबाट

एजेन्सी । ला लिगा क्लबको सामुहिक प्रशिक्षण आज (सोमबार)बाट सुरु हुदैछ ।

अर्को महिना अबरुद्ध सिजन सुरु गर्ने तयारी गरेको ला लिगाले क्लबको सामुहिक प्रशिक्षण सुरु गर्न लागेको हो ।

कोरोना भाईरसको परिक्षणसंगै खेलाडीले ब्यक्तिगत रुपमा प्रशिक्षण सुरु गरेका थिए । स्पेनको दोस्रो डिभिजनका क्लबका ५ खेलाडीलाई कोरोनाको संक्रमण देखिएको थियो ।

सोमबारबाट क्लबहरुले सामुहिक प्रशिक्षण थाल्नेछन् । समुहका १० भन्दा बढी खेलाडी जम्मा हुन नपाउने गरि प्रशिक्षण सुरु गर्न लागिएको हो ।

पुर्ण रुपको अर्को चरणको प्रशिक्षण ला लिगा सुरु हुनु अघि सञ्चालन गरिने बताईएको छ । स्पनिस लिग जुन १२ देखि बन्द रंगशालामा खेलाउने तयारी छ ।

सुरुवाती चरणमा समुहमा ८ जना खेलाडी समावेश गर्ने भनिएको थियो । अन्तिममा दुई खेलाडीलाई समुहमा थप गरिएको हो ।

युरोपको शीर्ष डिभिजनको लिगमा बुन्डेसलिगा शनिबारबाट सुरु भईसकेको छ ।

अभ्यासको सम्भावित तालिका लागु गर्न प्रिमियर लिग क्लबका खेलाडीको समेत बैठक बस्दैछ । अधिकांश शीर्ष डिभिजनका क्लबहरु लिग सक्ने बिषयमा जोड दिईरहेका छन् ।