एजेन्सी । ईजिप्टका प्रशिक्षक ह्यानी रम्जीले लिभरपुलमा रहन मोहमद सालाहले रियल मड्रिडको प्रस्ताव अस्विकार गरेको बताएका छन् ।
ईजिप्टका पूर्व डिफेन्डर समेत रहेका रम्जीले सन् २०१८ मा रियल मड्रिडको प्रस्ताव अस्विकार गर्दै सालाह लिभरपुलमा बसेको खुलासा गरेका हुन् ।
लिभरपुलका मुख्य फरवार्ड एक समय एनफिल्ड क्लबबाट बाहिरिन लागेका थिए । स्पेनिस महारथी क्लब रियल मड्रिड र बार्सिलोनाले सालाह अनुबन्धमा चासो राखेका थिए ।
रम्जीले स्पेनिस महारथी क्लब रियल मड्रिडले सालाहका लागि निकै राम्रो प्रस्ताव गरेको समेत बनाएका छन् । तर सालाहले आफु लिभरपुलमै खुसी रहेको भन्दै रियल मड्रिडको प्रस्ताव अस्विकार गरेका थिए ।
'जब म हेप्टर कुपर (ईजिप्टका प्रशिक्षक)संग काम गरेको थिए । सन् २०१८ मार्चमा उनले स्विटजरल्याण्डमा प्रशिक्षण सिविर राखेका थिए ।' रम्जीले भनेका छन्, 'मैले सालाहसंग कुरा गरेको थिए, त्यो समय उनले आफुलाई रियल मड्रिडबाट प्रस्ताव आएको बताएका थिए ।'
'प्रस्ताव निकै राम्रो थियो । सालाहले मसंग र कुपरसंग छलफल गरेका थिए । अनि उनले लिभरपुलमा बस्ने निर्णय गरे ।' उनी त्यहाँ सहज थिए ।
कुपरलाई जाभियर अगुईरेले प्रतिस्थापन गरेपछि मात्र रम्जीलाई ईजिप्टको सहायक प्रशिक्षक नियुक्त गरिएको थियो । तर उनी टिमलाई सहयोग पुर्याउन प्रशिक्षण सिविरमा रहेका थिए ।
उनले च्याम्पियन्स लिगको फाईनलमा रियल मड्रिड र लिभरपुल किभमा प्रतिस्पर्धा गर्नुअघि सालाहलाई सो प्रस्ताव आएको बताएका हुन् ।
च्याम्पियन्स लिगको फाईनलमा रियल मड्रिडले लिभरपुललाई ३–१ ले हराउँदै उपाधि जितेको थियो । सो खेलमा करिम बेन्जिमा र ग्यारेथ बेलले गोल गरेका थिए । सो खेल मोहमद सालाहको चोटले छायाँमा परेको थियो । सर्जियो रामोसको खराब ट्याकलले सालाहले खेलको सुरुवातमै मैदान छाड्न परेको थियो ।
उनी चोटबाट उम्किदै मैदान समेत फर्किए । उनले सन् २०१८ को विश्वकपमा ईजिप्टका लागि प्रतियोगितामा दुई गोल समेत गरे । तर ईजिप्ट समुह चरणमा अंक विहिन हुँदै बाहिरिएको थियो । उनी ईजिप्टमा मुख्य खेलाडी थिए । उनले सन् २०१७ मा ईजिप्टबाट अफ्रिका कप अफ नेसन्स जितेका थिए ।
'उनी महत्वकाक्षी छन् । उनी अफ्रिका कप अफ नेसन्स लगातार तीन पटक जित्न चाहेको बताउँथे । जसरी ईजिप्टले सन् २००६, ०८ र १० मा जितेको थियो ।' उनले भने ।
सालाह प्रिमियर लिगको उपाधि जित्न पहिलो ईजिप्टको पहिलो खेलाडी बन्ने अभियानमा छन् । कोरोनाका कारण अबरुद्ध बनेको प्रिमियर लिगमा लिभरपुल उपाधिबाट मात्र केही खेल टाढा रहेको छ ।
