एजेन्सी । पेरिस सेन्ट जर्मेन (पीएसजी) स्टार नेयमारले आफुले कडा मेहनत गरिरहेको बताएका छन् ।
उनले कुनै पनि समय मैदान फर्कन र खेल्नका लागि आफु तयार रहेको बताएका हुन् ।
फ्रान्सेली फुटबल मार्च १३ बाट स्थगित भएको थियो ।
कोरोना भाईरसले महामारीको रुप लिएपछि घरेलु लिग रद्ध गरिएको थियो भने पीएसजीलाई उपाधि प्रदान गरिएको थियो ।
पीएसजी अझै च्याम्पियन्स लिगमा रहेको छ । युरोपेली फुटबल महासंघ (यूईएफए) च्याम्पियन्स लिगको बाँकी सिजन सक्ने बिषयमा दृढ देखिएको छ ।
‘लक्ष्य भनेको क्लबको गतिविधिमा फर्कन तयार रहनु हो । त्यसैले म सबैभन्दा राम्रो अवस्थामा रहन सक्छु ।’ नेयमारले भनेका छन् ।
२८ बर्षिया ब्राजिली स्टार मार्चको मध्यबाट मैदान छिर्न पाएका छैनन् ।
उनी अन्तिम पटक च्याम्पियन्स लिगको अन्तिम १६ को दोस्रो लेगमा बोरुसिया डर्टमण्डबिरुद्ध उत्रिएका थिए । बन्द रंगशालामा खेलिएको सो खेलमा पीएसजी २–१ ले विजयी बनेको थियो । सो खेलमा नेयमारले गोल गरेका थिए । र पीएसजी अन्तिम ८ मा प्रवेश गरेको थियो ।
'म यहाँ छु, कडा मेहनत गरिरहेको छु । उही लय र गतिमा, जो क्लबसंग गर्थे ।' उनले भने, 'प्रशिक्षण वास्तवमा कडा हुन्छ । खेलको कमि पुरा गर्न कडा अभ्यास गरिएको छ ।'
'मैले प्रतियोगितालाई सम्झिरहेको छु । फिटनेस कोचले एक कार्यक्रम निर्धारित गरेका छन् । जसको म अक्षरश पालना गरिरहेको छु ।' उनले भने ।
