एजेन्सी । पोर्चुगलको शीर्ष डिभिजनको लिग फुटबल प्रिमिरा लिग जुन ४ बाट सुरु हुने भएको छ ।
कोरोना भाईरसका कारण अबरुद्ध बनेको लिग जुन ४ बाट सुरु हुने घोषणा गरिएको हो ।
पोर्चुगलको शीर्ष डिभिजनको लिग मार्च १२ बाट अनिश्चित समयका लागि स्थगित भएको थियो ।
पोर्चुगलका प्रधानमन्त्री एन्टोनियो कोस्टाले गत महिना लिग फुटबल बन्द रंगशालामा खेलाउन अनुमती दिएका थिए । उनले मे ३० पछि लिग फुटबल सुरु गर्न आग्रह गरेका थिए ।
सरकारको अनुमतीसंगै जुन ४ बाट पोर्चुगलको शीर्ष डिभिजनको लिग सुरु गर्ने घोषणा गरिएको हो ।
पोर्चुगलको लिग कमिटिले २५ औ चरणको खेलहरु जुन ४ मा सुरु हुने बताएको हो ।
'पछिल्ला केही दिनमा विभिन्न सरोकारवालासंग बैठक गरिएको छ । सुरक्षित रुपमा यसलाई सुरु गर्न र जोखिमलाई कम गर्न सबै सुरक्षाका उपाय अपनाउने बिषयमा निर्णय भएको छ ।' जारी बिज्ञप्तीमा भनिएको छ ।
'खेल मैदानको कडाईका साथ निरिक्षण गरिनेछ । र खेल सम्बद्ध सबै अधिकारीको मेडिकल परिक्षण गर्ने सुनिश्चित गरिन्छ । जुन ४ बाट २५ औ चरणको पहिलो खेल निश्चित गरिएको छ ।' बिज्ञप्तीमा उल्लेख छ ।
बेन्फिकालाई पछाडी पार्दै पोर्तो लिग तालिकाको शीर्ष स्थानमा छ । सबै क्लबले समान १० खेल खेल्न बाँकी छ । कोरोनाका कारण पोर्चुगलमा २८ हजार मानिस संक्रमित भएका थिए । जसमा १ हजार १ सय मानिसले ज्यान गुमाएका थिए ।
यस्तै, पोर्चुगलसंगै स्पेनिस ला लिगा समेत जुन १२ बाट सुरु गर्ने तयारी छ । ला लिगाका अध्यक्ष जाभिर ताबासले लिग फुटबल चाँडै सुरु गर्ने बिषयमा गृहकार्य भईरहेको बताएका छन् ।
युरोपका अधिकांश अबरुद्ध लिग सुरु गर्न गृहकार्य भईरहेको छ । बुन्डेशलिगा यसै हप्ता सुरु हुदैछ भने बेलायत सरकारले समेत फुटबल सुरु गर्ने संकेत गरेको छ ।
