सेबास्टियनले फेरारी छाड्ने

एजेन्सी । फर्मुला वानमा चार पटकको विश्व च्याम्पियन रेसिङ ड्राइभर सेबास्टियन भिटेलले फेरारी छाड्ने भएका छन् ।

जर्मनीका सेबास्टियनले यस वर्षको अन्त्यमा फेरारी छाड्ने भएका हुन् ।

फेरारी टिमका प्रिन्सिपल माटिया बिनोट्टोले सेबास्टियनले फेरारी छाड्ने पुष्टी गरेका छन् ।

३२ वर्षे सेबास्टियन सन् २०१५ मा फेरारी टिममा आएका हुन् ।

त्यसअघि सेबास्टियनले रेड बुल टिमबाट लगातार चार वर्ष विश्व च्याम्पियनको उपाधि जितेका थिए । सन् २०१० देखि १३ सम्म उनी लगातार च्याम्पियन बनेका थिए ।

कोरोना भाईरसको महामारीको कारण यस वर्ष फर्मुला वानको प्रतियोगिता भएको छैन ।

वर्षको सुरुवातमा तय भएको प्रतियोगिताहरु समेत स्थगित गरिएको छ ।