काठमाडौं । इन्डोनेसियामा जारी एसियन गेम्स अन्तर्गत ब्याडमिन्टनमा नेपालकी नङसल तामाङले प्रि-क्वाटरफाइनलमा स्थान बनाएकी छिन् ।
बिहिबार भएको महिला एकलतर्फ माल्दिभ्सको खेलाडीलाई हराएर नङसलले अन्तिम १६ मा स्थान बनाएकी हुन् । नङसलले माल्दिभ्सकी फाथिमाथ अब्दुल नबाहलाई २१-१९ र २१-१५ को सेटमा हराईन् । अब नङसलले जापानकी खेलाडीसंग खेल्ने छिन् ।
महिला एकलतर्फ नेपालकी जेसिका गुरुङ थाइल्याण्डकी इन्टानोन रात्चानोकसंग २१ - ७ र २१ - ४ ले पराजित भईन् ।
ब्याडमिन्टनकै पुरुष डबल्समा नेपालका विकास श्रेष्ठ र नवीन श्रेष्ठको जोडी प्रि - क्वाटरफाइनलमा प्रवेश गरेका छन् । विकास र नवीनको जोडीले मंगोलियाका सुमियासुरेन एनखबाट र तेमुलेन गोम्बुडोजको जोडीलाई २१-१२ र २१-७ को सेटमा हराए । अब विकास र नवीनको जोडीले मलेसियाका जोडीसंग खेल्ने छन् ।
मिक्स डबल्समा नेपालमा नङसल र रत्नजित तामाङको जोडी इन्डोनेसियाको जोडीसँग २१-१३ र २१-७ को सेटमा पराजित भए । त्यस्तै दिपेश धामी र जेसिका गुरुङको जोडी हङकङका जोडीसंग २१-११ र २१-११ को सेटमा पराजित भए ।
-1750070144.JPG)
-1750064258.webp)
