एजेन्सी । म्यानचेस्टर सिटीका पूर्व कप्तान तथा डिफेन्डर भिन्सेन्ट कोम्पनीले लिभरपुलका सेन्टर ब्याक भिर्गिल भान डाइक प्रिमियर लिगकै उत्कृष्ट डिफेन्डर भएको बताएका छन् ।
बेल्जियन क्लब एन्डरलेकका खेलाडी र प्रशिक्षक रहेका कोम्पनीले स्पोर्फसँग कुरा गर्दै डाइक प्रिमियर लिग इतिहासकै उत्कृष्ट सेन्टर ब्याक भएको बताएका हुन् ।
३४ वर्षीय बेल्जियन कोम्पनीले आफुले जोन टेरी र रियो फर्डिनान्ड जस्ता खेलाडी देखेको तर डाइक फरक भएको बताए ।
'म भिर्गिल भान डाइक ल्याउने छु,' कोम्पनीले भने, 'यो अनौठो दृश्यमा थियो जब हामीले लामो समयबाट देखेका थिएनौं । जोन टेरी र रियो फर्डिनान्ड जस्ता केटाहरु लामो समयबाट थिए ।'
डच खेलाडी डाइक सन् २०१८ मा लिभरपुल आएका हुन् । उनले लिभरपुलबाट गत सिजन च्याम्पियन्स लिग जितेका थिए ।
डाइक गत वर्ष फिफा वर्ष खेलाडी घोषित भएका थिए । फिफा बालोन डी'ओर अवार्डमा दोस्रो स्थानमा रहेका थिए ।
'डाइकले पछिल्लो वर्ष देखाएको संकेतहरु स्पष्ट छ कि ऊ शीर्ष स्थानमा छ,' कोम्पनीले थपे ।
यस्तै कोम्पनीले डाइक आएपछि र त्यसअघिको लिभरपुलबीच धेरै फरक भएको बताए ।
'मैले एक डिफेन्डरले टिममा कस्तो प्रभाव पार्छ देखेको छु । लिभरपुल डाइक आउनु अघि र पछि धेरै फरक छ । कारण डाइक नै हो,' कोम्पनीले भने ।
डाइकको उत्कृष्ट प्रदर्शनसँगै यस सिजन लिभरपुल उपाधि नजिक रहेको छ । तर, कोरोना भाईरसको कारण लिग स्थगित गरिएको छ ।
लिभरपुल दोस्रो स्थानको म्यानचेस्टर सिटी भन्दा २५ अंकले अघि रहेको छ ।
लिभरपुलको ८२ अंक रहदा सिटीको ५७ अंक रहेको छ । यस सिजन लिभरपुललाई ऐतिहासिक उपाधि जित्ने अवसर रहेको छ ।
