ब्राइटनका थप एक खेलाडीमा कोरोनाको संक्रमण

एजेन्सी । इंग्लिस क्लब ब्राइटनका थप एक खेलाडीमा कोरोना भाईरसको संक्रमण देखिएको छ ।

ब्राइटनका प्रमुख कार्यकारी पाउल बार्बरले एक खेलाडीमा संक्रमण देखिएको पुस्टि गरेका छन् ।

क्लबले खेलाडीको नाम भने गोप्य राखेको छ । कोरोनाको संक्रमण देखिने उनी तेस्रो खेलाडी हुन् । यस अघि दुई खेलाडीमा पनि कोरोना देखिएको थियो ।

शनिबार गरिएको परिक्षणमा उनलाई कोरोना पोजेटिभ देखिएको थियो । उनी १४ दिने सेल्फ आइसोलेसनमा रहेको बताईएको छ ।

प्रिमियर लिगले कोरोनाको कारण स्थगित लिग सुचारु गर्ने तयारी गरिरहदा खेलाडीमा संक्रमण देखिएको छ ।

लिग सुचारु र न्युट्रल भेन्युमा खेल्ने विषयमा प्रिमियर लिगका २० क्लबले सोमबार छलफल गर्दैछ ।

प्रिमियर लिगका २० क्लबले अब यस सिजन ९२ खेल खेल्न बाँकी रहेको छ ।

यस सिजन लिभरपुल उपाधि नजिक रहेको छ । लिभरपुल दोस्रो स्थानको म्यानचेस्टर सिटी भन्दा २५ अंकले अघि रहेको छ ।

लिभरपुलको ८२ अंक रहदा सिटीको ५७ अंक रहेको छ । यस सिजन लिभरपुललाई ऐतिहासिक उपाधि जित्ने अवसर रहेको छ ।