नेतृत्वमा ड्रोग्बालाई टाउरेको समर्थन

एजेन्सी । याया टाउरेले आईभेरियन फुटबल एसोसिएसनको अध्यक्षको चुनावमा डिडियर ड्रोग्बालाई समर्थन गर्ने बताएका छन् ।

आईभेरी कोस्टका पुर्व सहकर्मी ड्रोग्बालाई टाउरेले फुटबल संघको नयाँ नेतृत्वका लागि समर्थन गर्ने बताएका हुन् ।

‘यो फुटबललाई परिवर्तन गर्ने समय हो । हामीलाई आधुनिकता चाहिएको छ ।’ टाउरेले भनेका छन् ।

‘जब म भन्छु, ड्रोग्बालाई समर्थन गर्छु । यो देशको भलाईका लागि समेत छ । पूर्व खेलाडीको रुपमा उनी अफ्रिकाकै सम्पती हुन् ।’ उनले भनेका छन् ।

ड्रोग्बाले देशका लागि १ सय ५ खेलमा प्रतिनिधित्व गरेका छन् । उनले गत सेप्टेम्बरमा सक्रिय खेलाडी जिवनबाट सन्यासको घोषणा गरेका थिए ।

कोरोना भाईरसको महामारीका कारण निर्वाचनको मिति तय भएको छैन ।

आईभेरी कोस्टका पूर्व कप्तान ड्रोग्बाको भिडन्त सोरी डायबेट र एसोसिएसनका उपाध्यक्ष ईदरिस डायलोसंग हुनेछ ।

टाउरेको समर्थनका बाबजुत सबै खेलाडीले ड्रोग्बाको पक्षमा रहेका छैनन् । पुर्व आईभेरियन फुटबल खेलाडीले ड्राग्बा भन्दा डायबेटको समर्थन गरेका छन् ।

सामाजिक सञ्जालमा बोल्दै टाउरेले भने, ‘ड्रोग्बा मेरा ठुला भाई हुन्, कप्तान हुन् । मानिसहरु हाम्रा बारे धेरै कुरा गर्छन् । तर हामी सधै शान्त, बुद्धिमान थियौ । हामी एक अर्कालाई बुझ्थ्यौ ।’

‘धेरै मानिसले उनलाई आलोचना गर्ने कोशिश गरे ।’ उनले थपे ।

आईभेरी कोस्टका वर्तमान खेलाडीलाई समेत भोटको अवसर दिईनेछ । चार बर्ष अफ्रिकन बर्ष खेलाडी बनेको ड्रोग्बाले सन् २०१५ मा आफ्नो देशलाई अफ्रिका नेसन्स कप जिताएका थिए ।

‘मलाई लाग्छ, उनी समर्थनको खोजीमा छन् । मलाई आशा छ, केही मतदाता, क्लबका अध्यक्ष र खेलाडीबाट उनले मत प्राप्त गर्नेछन् ।’ टाउरेले भनेका छन् ।