एजेन्सी । विश्व फुटबलको सर्वोच्च निकाय फिफाले म्यान्चेस्टर युनाइटेडका मिडफिल्डर ब्रुनो फर्नान्डेजको सरुवामा अनुसन्धान थालेको छ ।
पोचुगिज मिडफिल्डर फर्नान्डेज जनवरीमा स्पोर्टिङ सिपीबाट युनाइटेड आएका थिए ।
तर, फर्नान्डेजको पूर्व क्लब साम्पोडोरियाले उनको सरुवा हुँदा प्राप्त रकमको नाफामा दाबी गरेपछि फिफाले अनुसन्धान गरेको हो ।
युनाइटेडले २५ वर्षे फर्नान्डेजलाई ५५ मिलियन युरोमा अनुबन्ध गरेको थियो ।
फर्नान्डेज युनाइटेड सरुवा हुँदा ४ मिलियन पाउण्ड आफुले पाउनुपर्ने साम्पोडोरियाले दाबी गरेको छ ।
फर्नान्डेज सन् २०१७ मा साम्पोडोरियाबाट ८.५ मिलियन युरोमा स्पोर्टिङ आएका थिए ।
