एजेन्सी । रियल मड्रिडका गोलरक्षक थिवाउट कोर्टुवाले सिजन पुरा नभएको अवस्थामा बार्सिलोनलाई उपाधि दिन गलत हुने बताएका छन् ।
बेल्जियमका अन्तराष्ट्रिय खेलाडी कोर्टुवाले ला लिगा रद्ध भएमा बार्सिलोनाले उपाधि पाउने आफुलाई विश्वास नरहेको उल्लेख गरेका हुन् ।
स्पेनमा खेलाडीहरु मैदान फर्कन अघि यस हप्ता कोरोना भाईरसको परिक्षण गर्न लागिएको छ ।
ला लिगाले जुनमा सिजनलाई सुरु गर्दै खेल पुरा गर्ने लक्ष्य राखेको छ ।
‘बार्सिलोना भन्दा हामी दुई अंकमात्र पछाडी छौ । हामी च्याम्पियन हुने अझै सम्भावना छ ।’ एक अन्तरवार्तामा उनले भने, ‘सिजन रद्ध भए त्यो दुर्भाग्यपूर्ण हुन्छ ।’
‘यदी प्रतियोगिता रोकिन्छ र बार्सिलोना च्याम्पियन बन्छ भने यसलाई सही मान्ने छैन । उनीहरुले एक पटक हामीसंग बराबरी खेलेका छन् र एक पटक हार ब्यहोरेका छन् । उनीहरु भन्दा हामी राम्रो टिम भनेर देखाएका छौ । हामी दुई अंक पछाडी छौ ।’ कार्टुवाले भने ।
‘ईङ्ल्याण्डमा मैले बुझ्न सक्छु, यदी लिभरपुल च्याम्पियन बन्छ भने । मलाई थाहा छैन, उनीहरु कति अंक अगाडी छन् । म सिजन सकिएको हेर्न चाहन्छु । मलाई लाग्छ कि खेल्न बाँकी रहेको खेलले च्याम्पियन आधारित हुन्छ । ११ खेल बाँकी छदै च्याम्पियन घोषणा गर्नु धेरै चाँडो हुनेछ ।’ उनले थपे ।
रियल मड्रिडका खेलाडीले बुधबार बिहान कोरोना संक्रमणको परिक्षण गरेका छन् । उनीहरु अर्को सोमबार अभ्यासमा फर्कने अपेक्षा गरिएको छ । क्लबको अभ्यास मैदानलाई मार्च १२ देखि क्वारेन्टाईनको रुपमा प्रयोग गरिएको थियो । त्यसपछि खेलाडीहरु आ आफ्नो घर फर्किएका थिए ।
चार हप्ताको चरणबद्ध प्रक्रियामा खेलाडीको व्यक्तिगत गतिविधि, सामुहिक सत्र र अन्तिममा सबै योजना अनुसार अघि बढेमा प्रतिस्पर्धा सुरु हुने बताईएको छ ।
‘मलाई लाग्छ, हामीलाई खेल्न आवश्यक छ । निश्चित रुपमा हामीलाई आफ्नो सुरक्षाको बिचार गर्नुपर्छ ।’ कार्टुवाले भने, ‘हामीलाई फेरी खेल्न अघि सय प्रतिशत निश्चित हुन आवश्यक छ । किनकी लक्षण बिना समेत तपाई संक्रमित हुन सक्नुहुन्छ ।’
हाम्रो सम्पर्कमा आएका ब्यक्तिसंग सावधान हुन आवश्यक छ । कुनै खेलाडी कसरी अरु टिमलाई संक्रमित गर्न सक्छ भनेर बुझ्न पर्छ । तर निश्चित रुपमा सिजन सकिन आवश्यक छ । उनले थपे, ‘साँचो शब्दमा डर छैन । म अहिले समेत आफ्नो बच्चालाई भेट्न जान्छु । म पहिला संक्रमित थिएन भने अब संक्रमित पनि हुन सक्छु र उनीहरुलाई संक्रमित गर्न सक्छु । तपाई स्वास्थ मानिसहरु बिरामी भएको सुन्नुुभएको छ । त्यही तपाई चाहनु हुदैन ।’
कोरोना महामारीबाट स्पेनमा २ लाख २० हजार मानिस संक्रमित भएका छन् । स्पेनमा मात्र कोरोनाबाट २५ हजार मानिसको मृत्यु भएको छ ।
