विरेन्द्र राई स्मृति फुटसल हुने

हेटौडा । दोस्रो संस्करणको विरेन्द्र राई स्मृति ओपन फुटसल प्रतियोगिता हुने भएको छ । एफसि मल्टिभिजनको आयोजनामा हुने प्रतियोगिता भदौ ७ गते देखि ९ गतेसम्म संचालन हुनेछ ।

प्रतियोगितामा नेपालको जुन टोलीले पनि सहभागिता जनाउन पाउनेछन् । प्रतियोगितामा सहभागी जनाउन क्लबले ५ गते सम्म टिम दर्ता गराउनु पर्नेछ । टिम दर्ता गर्नको लागि हेटौडामा रहेको गुगोल स्पोर्टस् हाउसमा सम्पर्क गर्नुपर्नेछ । अथवा गुगोल स्पोटर्स हाउसको फेसबुक पेजमार्फत पनि गर्न सकिनेछ ।

प्रतियोगिताको विजेता टिमले ५० हजार तथा उपविजेता टिमले २५ हजार प्रमाण पत्र र ट्रफी प्राप्त गर्नेछन् । त्यस्तै प्रतियोगिताको सर्बाेत्कृष्ट खेलाडीले ट्रफी प्रमाण पत्र सहित ५ हजार प्राप्त गर्नेछ ।

हेटौडाको कमल डाँडामा हुने प्रतियोगितामा आयोजक मल्टिभिजन क्लब साबिकको विजेता हो । यो प्रतियोगितालाई निरन्तर अगाडी बढाउने आयोजक क्लबका अध्यक्ष विकेश लाल श्रेष्ठले बताए ।