श्रीलंका भ्रमणमा इंग्ल्यान्डका खेलाडीले हात नमिलाउने !

एजेन्सी । विश्व टेष्ट च्याम्पियनसिप अन्तर्गतको दुई टेष्ट सिरिजका लागि इंग्ल्यान्ड क्रिकेट टिमले श्रीलंका भ्रमण गर्दैछ ।

तर, श्रीलंका भ्रमण दौरान इंग्ल्यान्डका खेलाडीले विपक्षी खेलाडी,अएम्पायर लगायत अफिसियलसँग हात नमिलाउने भएका छन् ।

विश्वभर महामारीको रुपमा फैलिएको कोरोना भाईरसलाई मध्यनजर गर्दै इंग्ल्यान्डका खेलाडीले हात नमिलाउने निर्णय गरेका हुन् ।

इंग्ल्यान्डका कप्तान जोय रुटले कोरोना भाईरसबाट आफुहरु शतर्क रहेको कारण यस्तो निर्णय गरेको बताएका छन् । कप्तान रुट दक्षिण अफ्रिका भ्रमण दौरान फ्लुको कारण विरामी नै भएका थिए ।

इंग्ल्यान्डले श्रीलंकामा टेष्ट अघि दुई अभ्यास खेल खेल्नेछ ।

पहिलो टेष्ट १९ मार्च र दोस्रो टेष्ट २७ मार्चमा सुरु हुनेछ ।