स्टोक्स र बट्लरलाई अवार्ड

एजेन्सी । क्रिकेटर बेन स्टोक्स र जोश बट्लरले बेलायतको प्रसिद्ध अवार्ड 'अर्डर अफ दि ब्रिटिश इम्पाएर अवार्ड' प्राप्त गरेका छन् ।

बकिङहम प्यालेसमा मंगलबार राति भएको एक समारोहमा स्टोक्स र बट्लरलाई अवार्ड प्रदान गरिएको हो ।

विश्वकप हिरो स्टोक्स र बट्लरलाई बेलायती राजकुमार विलियम्सले अवार्ड प्रदान गरेका थिए ।

स्टोक्सले यसै वर्ष आईसीसी वर्ष खेलाडी अवार्ड र बीबीसी स्पोर्ट्स पर्सनालिटी अफ दि इयर अवार्ड जितेका थिए ।

स्टोक्सको उच्च प्रदर्शनले इंग्ल्यान्डले गत वर्ष घरेलु मैदानमा भएको आईसीसी एकदिवसीय विश्वकप क्रिकेटको उपाधि जितेको थियो । फाइनलमा इंग्ल्याण्डले न्युजिल्याण्डलाई हराएको थियो ।

स्टोक्सले विश्वकपमा ४ सय ६५ रन बनाएका थिए । रोमान्चक फाइनलमा उनले अविजित ८५ रन बनाएका थिए । स्टोक्स फाइनलमा प्येलर अफ दि म्याच समेत बनेका थिए ।