प्रेमकृष्ण ताम्रकार स्मृति ब्याडमिन्टन हुने

काठमाडौं । प्रेमकृष्ण ताम्रकार स्मृति आमन्त्रण ब्याडमिन्टन प्रतियोगिता चैतमा आयोजना हुने भएको छ ।

ताम्रकार समाजको आयोजनामा हुने प्रतियोगिता चैत ८ देखि १५ गतेसम्म हुनेछ ।

ललितपुर जिल्लाका विभिन्न समाजको टिमले प्रतिस्पर्धा गर्न पाउने प्रतियोगितामा मेन्स डबल्स र ४५ वर्षमाथिको भेट्रान विधामा प्रतिस्पर्धा हुनेछ । प्रतियोगितामा एक सय बढी टिमको सहभागिता हुने बताईएको छ ।

समाजको संस्थापक अध्यक्ष प्रेमकृष्ण ताम्रकारको स्मृतिमा हुने विजेता, उपविजेता र तेस्रो हुने टिमलाई नगद पुरस्कार प्रदान गरिनेछ ।

प्रतियोगिताको सम्पूर्ण खेल ललितपुरस्थित ताम्रकार समाजको भवनको कोर्टमा हुनेछ ।