जेभियर र ऋत फाइनलमा

काठमाडौं । जेभियर इन्टरनेसनल कलेज र ऋत एकेडेमी पाँचौं हिसान उपत्यकाव्यापी खेलकुद सप्ताहअन्तर्गत गर्ल्स फुटसलमा आइतबार फाइनलमा प्रवेश गरेका छन् ।

माकलबारीमा भएको सेमिफाइनलमा जेभियरले जया मल्टिपल कलेजलाई १–० गोलले पराजित गर्यो । अस्मिता बस्नेतले निर्णायक गोल गरिन् ।

अर्को सेमिफाइनलमा ऋतले ग्लेसियरलाई ३–० गोलले हरायो । प्रतीक्षा भण्डारीले २ तथा शिला पुनले १ गोल गरे । ब्वाइजमा समृद्धि र टाइम्सले यसअघि नै फाइनल भेट पक्का गरिसकेका छन् । ब्वाइज÷ गर्ल्स दुवैको फाइनल फागुन ६ गते हुने छ ।

जेभियर इन्टरनेसनल कलेज पाँचौं हिसान उपत्यकाव्यापी खेलकुद सप्ताहअन्तर्गत ब्वाइज बास्केटबलमा आइतबार फाइनलमा प्रवेश गरेको छ ।
बसुन्धरास्थित ऋत एकेडेमीमा भएको दोश्रो सेमिफाइनलमा जेभियरले साइपाल एकेडेमीलाई ३९–३७ को झीनो अन्तरले पराजित ग¥यो । जेभियरका लियुश केसीले १० अंक जोडे ।
पहिलो क्वाटरमा जेभियर ४–१४ ले पछि परेपनि बाँकीमा अग्रता बनाउदै फाइनलमा स्थान सुनिश्चित गर्न सफल भयो । अन्य क्वाटरमा जेभियरले १२–६, १३–१० र १०–७ को अग्रता लियो ।
उपाधिका लागि जेभियरले सीसीआरसी विरुद्ध प्रतिस्पर्धा गर्ने छ । गल्र्सको फाइनल साइपाल र मोर्गनबीच हुने छ । दुवै फाइनल सोमबार हुने छ । पाँच खेल समावेश खेलकुद सप्ताहअन्तर्गत ब्वाइज÷गल्र्सको भलिबल र टग अफ वार तथा टेबलटेनिस सम्पन्न भइसकेका छन् ।