आर्मीको पाँचौं जितमा अर्जुनको शतक

काठमाडौं। सुदूरपश्चिम प्रदेशमाथि फराकिलो जित निकाल्दै विभागीय टोली त्रिभुवन आर्मी क्लब प्रधानमन्त्री कप एकदिवसीय क्रिकेट प्रतियोगिताको अंक तालिकामा शीर्षस्थानमा उक्लिएको छ।

सोमबार सम्पन्न खेलमा आर्मीले कर्णालीलाई १३८ रनले पराजित गरेको हो। जितसँगै अपराजित रहेको आर्मीले ६ खेलबाट ११ अंक पुर्‍याएको छ। एक खेल बढी खेलेको कर्णाली ३ अंकसहित नवौं स्थानमा छ।

आर्मीले दिएको २६९ रनको विशाल लक्ष्य पछ्याएको कर्णाली ४२.१ ओभरमा सबै विकेट गुमाउँदै १३० रनमै समेटियो।

कर्णालीका विपिन शाहीले सर्वाधिक ४० रन बनाए। ७० बल खेलेका उनले ६ चौका प्रहार गरे। अर्जनु घर्ती ३२ र दीपेन्द्र रावत २५ रनमा आउट हुँदा अन्यले उल्लेखनीय प्रदर्शन गर्न सकेनन्।

आर्मीका शहाब आलम र बसीर अहमदले समान ३ विकेट लिए।

त्यसअघि वीरगञ्जस्थित नारायणी क्रिकेट मैदानमा टस जितेर पहिला ब्याटिङ थालेको आर्मीले ४८ ओभरमा सबै विकेट गुमाउँदै २६८ रन बनाएको थियो।

आर्मीका अर्जुन साउदले सर्वाधिक १२१ रन बनाए। १२० बल खेलेका उनले १० चौका र ३ छक्का प्रहार गरे। बसीर ४५, सन्तोष कार्की २९ र नरेन साउद २० रनमा अविजित रहे।

बाँकी खेलाडीले ब्याट चलाउन सकेनन्। कर्णालीका दिनेश अधिकारीले सर्वाधिक ४ विकेट लिए।

प्रकाश जैशीले ३ विकेट आफ्नो नाममा राखे।