हालेपलाई हराउँदै मुगुरुजा फाइनलमा

एजेन्सी । स्पेनिस खेलाडी गार्बिन मुगुरुजा अष्ट्रेलियन ओपन टेनिसको फाइनलमा प्रवेश गरेकी छिन् ।

मेलबर्नमा बिहिबार भएको सेमिफाइनलमा सिमोना हालेपलाई पराजित गर्दै मुगुरुजा फाइनलमा पुगेकी हुन् ।

फाइनल पुग्ने क्रममा बिना वरियताकी मुगुरुजाले चौंथो वरियताकी हालेपलाई ७-६(१०-८) र ७-५ को सेटमा पराजित गरिन् ।

अब मुगुरुजाले उपाधिका लागि अमेरिकी खेलाडी सोफिया केनिनसँग खेल्ने छिन् ।

पहिलो सेमिफाइनलमा केनिनले विश्व नम्बर एक एस्लेइघ बार्टीलाई हराएर फाइनल पुगिसकेकी छिन् ।

१४ औं वरियताकी केनिनले बार्टीलाई ७-६ (८-६) र ७-५ को सेटमा पराजित गरिन्।