बार्टी अष्ट्रेलियन ओपनबाट बाहिर

एजेन्सी । विश्व नम्बर एक एस्लेइघ बार्टी अष्ट्रेलियन ओपन टेनिसको सेमिफाइनलबाट बाहिरिएकी छिन् ।

मेलबर्नमा बिहिबार भएको सेमिफाइनलमा अमेरिकी खेलाडी सोफिया केनिनसँग पराजित हुँदै बार्टी बाहिरिएकी हुन् ।

१४ औं वरियताकी केनिनले अष्ट्रेलियन बार्टीलाई ७-६ (८-६) र ७-५ को सेटमा पराजित गरिन्।

यससँगै केनिन पहिलोपटक ग्राण्डस्लाम टेनिसको फाइनलमा पुग्न सफल भएकी छिन् ।

अब केनिनले उपाधिका लागि सिमोना हालेप र गार्बिन मुगुरुजाबीचको विजेतासँग खेल्ने छिन् ।