नाडाल अष्ट्रेलियन ओपनबाट बाहिर

एजेन्सी । विश्व नम्बर एक राफायल नाडाल अष्ट्रेलियन ओपन टेनिसको क्वाटरफाइनलबाट बाहिरिएका छन् ।

मेलबर्नमा बुधबार भएको क्वाटरफाइनलमा डोमिनिक थिमसँग पराजित हुँदै नाडाल प्रतियोगिताबाट बाहिरिएका हुन् ।

३३ वर्षे नाडाललाई पाँचौं वरियताका थिमले ७-६(७-३), ७-६(७-४), ४-६ र ७-६ (८-६) को सेटमा पराजित गरे ।

अब पाँचौं वरियताका थिमले जर्मनीका एलेक्जेन्डर जेभरेभसँग खेल्ने छन् ।

पहिलो क्वाटरफाइनलमा स्विस खेलाडी स्टानिलास वावरिन्कालाई १-६, ६-३,६-४ र ६-२ को सेटमा हराएर जेभरेभले अन्तिम चारमा स्थान पक्का गरेका हुन् ।