ईन्द्रमानको मुटुको शल्यक्रिया, अवस्था खतरामुक्त

काठमाडौं । अखिल नेपाल फुटबल संघ एन्फाका महासचिव ईन्द्रमान तुलाधरको मुटुको शल्यक्रिया गरिएको छ ।

पछिल्लो दिन अस्वस्थ देखिदै आएका तुलाधरको आईतबार साँझ मुटुको शल्यक्रिया गरिएको हो ।

ए डिभिजन क्लब संकटाका अध्यक्ष समेत रहेका तुलाधरकाे मुटुको भल्भमा समस्या आएपछि शुक्रबार साँझ बाँसबारीस्थित गंगालाल ह्दय रोग केन्द्रमा भर्ना गरिएको थियाे ।

भर्ना लगत्तै उनको मुटुको शल्यक्रिया गरिएको हो ।

संकटा क्लबका कार्यबहाक अध्यक्ष सुरेन्द्र शिखाकारले तुलाधरको अवस्था सुधार उन्मुख रहेको खेलपाटीलाई बताए ।

‘मुटुको भल्भ ब्लक भएपछि भर्ना लगत्तै सल्यक्रिया गरेर खोल्ने काम भयो ।’ उनले भने, ‘अहिले सीसीयूमा राखिएको छ । अवस्था सुधार उन्मुख छ ।’

पारिवारिक स्रोतका अनुसार तुलाधरले सामान्य बोलचाल गर्न थालेका छन् ।