केभीकेएसएस र ग्रीनल्यान्डको विजयी सुरुआत

काठमाडौं । आयोजक काठमाडौं विद्या कुञ्ज सेकेन्डरी स्कुल (केभीकेएसएस) र ग्रीनल्यान्डले दोश्रो केभीकेएसएस अन्तरविद्यालय बास्केटबल प्रतियोगिताको ब्वाइजतर्फ विजयी सुरुआत गरेका छन् ।

टोखास्थित घरेलु कोर्टमा बुधबार केभीकेएसएसले सेवा सदनलाई २४–२० ले पराजित गर्यो । केभीकेएसएसको जितमा कविन थापाले १० अंक योगदान गरे । राजिव आलेको २१ अंक सहयोगमा ग्रीनल्यान्डले टीआईएलाई ४८–४६ को साँघुरो अन्तरले हरायो ।

ब्वाइजमै साबिकको बिजेता  ह्यापी हिमालय चाइल्ड एकेडेमी (एचएचसीए) ले स्किब्सलाई ८१–६०, चाँदबागले दीपज्योतिलाई ३१–१८ र स्वेता सदनले लुनारलाई २०–१९ ले पन्छाए । एचएचसीएका प्रवीण राईले १६, चाँदबागका राजदीपसिंह कार्कीले १४ र स्वेता सदनका अरुण पण्डितले १० स्कोर गरे ।

गल्र्समा ग्रीनल्यान्डले स्किब्सलाई २६–१०, भ्याली पब्लिकले साविक विजेता एचएचसीएलाई ४३–३०, टीआईएले दीपज्योतिलाई १५–६ र चाँदबागले त्रियोगलाई १७–१२ ले पाखा लगाए । ग्रीनल्यान्डकी आरिश्का खड्काले ८, भ्याली पब्लिककी सुमिना तामाङले १६, टीआईएकी रिन्चिन मोक्तानले ६ र चाँदबागकी रोजी राईले ७ अंक जोडे ।

प्रतियोगिताको ब्वाइजमा २४ र गल्र्समा १६ टिम सहभागी रहेका छन् ।