सन्दीपले लिए एकै ओभरमा २ विकेट !

एजेन्सी । नेपाली लेग स्पिनर सन्दीप लामिछाने रहेको मेलबर्न स्टार्सले बिग बास लिग (बीबीएल) मा अहिले डर्बी क्लब मेलबर्न रेनेगेड्ससँग प्रतिस्पर्धा गरिरहेको छ ।

मेलबर्न क्रिकेट मैदानमा रेनेगेड्सविरुद्ध सन्दीपको टिम स्टार्सले बलिङ गरिरहेको छ । र, रेनेगेड्सविरुद्ध सन्दीपले एकै ओभरमा २  विकेट लिन सफल भएका छन् ।

आफ्नो सुरुवाती दुई ओभरमा विकेट विहीन सन्दीपले तेस्रो ओभरको तेस्रो र पाँचौ बलमा विकेट लिएका हुन् । उनले तेस्रो बलमा शौन मार्शलाई ४३ रनमा आउट गरे ।

यस्तै पाँचौ बलमा क्रिस्तियनलाई सुन्य रनमा आउट गरे ।

सन्दीपले तीन ओभरमा २३ रन खर्चिएर २ विकेट लिएका छन् ।

यस अघि सन्दीपले पहिलो ओभरमा ७ रन खर्चिएका थिए । दोस्रो ओभरमा भने सन्दीपले १२ रन खर्चिएका थिए ।