कीर्तिमान नजिक सन्तोष, कुन क्लबबाट कति गोल ?

काठमाडौं । नेपाली राष्ट्रिय फुटबल टोलीका पूर्व स्ट्राइकर सन्तोष शाहुखल नेपाली फुटबलकै माथिल्लो श्रेणीको लिग सहिद स्मारक 'ए' डिभिजन लिगमा कीर्तिमान नजिक छन् ।

च्यासल युथ क्लबबाट यस सिजनको लिग खेलिरहेका सन्तोष 'ए' डिभिजन लिगमा १ सय गोल गर्ने पहिलो खेलाडी बन्ने संघारमा छन् ।

यस सिजन दुई खेलमा ३ गोल गर्दै सन्तोषले लिगमा आफ्नो गोल संख्या ९९ पुर्‍याएका छन् । सन्तोषले पहिलो खेलमा संकटा क्लबविरुद्ध २ र मछिन्द्रविरुद्ध १ गोल गरेका थिए ।

यस्तोमा च्यासलले भोली (बुधबार) न्युरोड टिम एनआरटीसँग खेल्दैछ ।

दशरथ रंगशालामा हुने खेलमा सन्तोषलाई कीर्तिमानी गोल गर्ने अवसर रहेको छ । एनआरटीविरुद्ध एक गोल गरे सन्तोषले 'ए' डिभिजन लिगमा इतिहास बनाउने छन् ।

नेपाली शीर्ष डिभिजन लिग फुटबलमा सन्तोष गोल मेसिनको रुपमा रहदै आएका छन् ।

बिस २०६० सालमा थ्री स्टारबाट लिगमा डेब्यु गरेका सन्तोषले सर्वाधिक गोल पनि थ्री स्टार क्लबबाटै गरेका छन् । उनले थ्री स्टारबाट ६ सिजन खेलेका छन् । जसमा उनले ५२ गोल गरेका छन् । त्यसबाहेक उनले मनाङ, एपीएफ र च्यासलबाट गोल गरेका छन् ।

सन्तोषले कुन क्लबबाट कति गोल गरे ?

बिस - २०६०
थ्री स्टार - ६ गोल

बिस - २०६१
एपीएफ - ६ गोल

बिस - २०६२
थ्री स्टार -९ गोल

बिस - २०६३
थ्री स्टार - ११ गोल

बिस - २०६६-६७
थ्री स्टार - १९ गोल

बिस - २०६८
मनाङ - १६ गोल

बिस - २०६९
थ्री स्टार - १७ गोल

बिस - २०७०
थ्री स्टार - ९ गोल

बिस - २०७५
च्यासल - ३ गोल

बिस - २०७६
च्यासल - ३ गोल