नवोदित च्याम्पियन

काठमाडौं ।  नवोदित कलेज ई–प्लानेट नेसनल कप फुटसलमा च्याम्पियन बनेको छ । शनिबार भएको फाइनलमा आयोजक नेसनल कलेजलाई ३–२ गोल अन्तरले हराएर नवोदित च्याम्पियन बनेको हो ।

बालुवाटारस्थित ढुकु फुटसल हवमा आयोजक नेसनलले लिएको सुरुवाती अग्रता उल्टाएर नवोदितले उपाधि जितेको हो । उपाधिसंगै नवोदितले ३५ हजार रुपैयाँसहित कूल ५० हजार रुपैयाँ बराबरको पुरस्कार प्राप्त गरेको छ । उपविजेता बनेको नेसनलले २० हजार रुपैयाँसहित कूल ३० हजार रुपैयाँ बराबरको पुरस्कार प्राप्त गर्यो ।

मुख्य प्रायोजक एजुकेसन प्लानेट (ई–प्लानेट) प्रालि तथा नेपाल एसबीआई बैंकको सह–प्रायोजनमा भएको प्रतियोगिताको उत्कृष्ट खेलाडी नेसनलका विक्रान्त नरसिंह राणा घोषित भए । त्यस्तै १० गोल गरेका नेसनलकै अनिस बस्नेतले सर्वाधिक गोलकर्ता र नवोदितका निशान राम्जाली उत्कृष्ट गोलकिपर घोषित भए ।

प्रतियोगितामा प्लस टु र ब्याचलर लेभलका ४० टोलीको सहभागिता रहेको थियो ।