पौडीमा शाहको राष्ट्रिय कीर्तिमान

काठमाडौं । १३ औं दक्षिण एसियाली खेलकुद (साग) अन्तर्गत पौडीमा नेपालका शयद हम्जा शाहले राष्ट्रिय कीर्तिमान बनाएका छन् ।

सातदोबाटोस्थित पौडी पोखरीमा शनिबार शाहले ५० मिटर ब्रेष्ट स्ट्रोकको हिट चरणमा राष्ट्रिय कीर्तिमान बनाएका हुन् ।

शाहले ३१.५५ सेकेण्डको समय निकाल्दै कीर्तिमान बनाएका हुन् । उनले सुभम श्रेष्ठको नाममा रहेको ३१.६० सेकेण्डको कीर्तिमान भंग गरेका हुन् । सुभमले आठौं राष्ट्रिय खेलकुदमा कीर्तिमान बनाएका थिए ।