खो खोमा नेपाललाई ऐतिहासिक रजत

काठमाडौं । १३ औं दक्षिण एसियाली खेलकुद प्रतियोगिता (साग) अन्तर्गत खो खोमा नेपालको महिला टिमले रजत पदक जितेको छ ।

कीर्तिपुरस्थित नयाँ बजारको कभर्डहलमा भएको फाइनलमा नेपाल भारतसँग १७-५ ले पराजित भयो । तर, नेपालले पहिलो पटक खो खोमा रजत जितेको हो ।

महिलातर्फ बंगलादेशले कास्य जित्यो ।

पुरुषतर्फ नेपालले कास्य पदक जितेको छ । नेपालले श्रीलंकालाई १३-७ ले हरायो ।

पुरुषमा भारतले स्वर्ण र रजत बंगलादेशले जित्यो  ।