एजेन्सी । म्यान्चेष्टर सिटीका प्रशिक्षक पेप ग्वार्डिओलाले आफु क्लबमै खुसी रहेको बताएका छन् ।
सन् २०१७ मा पहिलो सिजन क्लब सम्हालेपछि ग्वार्डिओला तालिकाको सबैभन्दा तल्लो स्थानमा छन् । सिटी प्रिमियर लिगको चौथो स्थानमा छ ।
जारी सिजनमा लिभरपुलले सिटीलाई ३–१ गोल अन्तरले हराएको थियो । क्लब शीर्ष स्थानको लिभरपुल भन्दा ९ अंकले पछाडी छ ।
‘किन मानिसहरु म खुसी छैन भनेर सोचिरहेका छन् ? किनकी हामीले एनफिल्डमा हार्यौ वा तीन खेल सिजनमा गुमायौ ।’ चेल्सीसंगको खेल अगाडी ग्वार्डिओलाले भनेका छन् ।
लगातार उपाधि हात पार्नुका साथै धेरै गोल र कीर्तिमानी अंकले उनले गत सिजन प्रभाव जमाएका थिए । उनले यस सिजन आफ्ना लागि चुनौतीपूर्ण रहेको समेत बताए ।
सिटीले सन् २०१७–१८ को सिजनमा कीर्तिमानी अंक कायम गरेका थियो ।
उसले कीर्तिमानी सय अंक छोएको थियो । सिटीको निकटतम प्रतिद्वन्दी लिभरपुलले ९८ गोल पुरा गरेको थियो ।
उनले सिटी उपाधि जित्नबाट बञ्चित भएपनि क्लब नछाड्ने बताएका हुन् ।
उनको वर्तमान सम्झौता सन् २०२१ को अन्तिममा सकिदैछ ।
उनले भने, ‘म यही बस्न चाहन्छु । छाड्नु पर्ने कुनै कारण समेत छैन । क्लबमा रहँदा धेरै सन्तुष्ट प्राप्त गरेको छु । यहाँका खेलाडसंग खुसी छु । यदी मानिसहरु यही कारणले मैले क्लब छाड्ने कुरा गर्छन् भने उनीहरुले मलाई बुझेका छैनन् ।’
‘मलाई यस्ता चुनौती मन पर्छन् । यो अवस्था मलाई मन पर्छ । यही क्लबले मलाई अर्को सिजन यहाँ चाहन्छ भने, म पक्कै यही हुनेछु । म यही शहरमा बस्न चाहन्छु किनकी यहाँका मानिस मलाई चाहन्छन् । म उनीहरुसंग रहन र काम गर्न मन पराउँछु ।’ ग्वार्डिओला थप्छन् ।
