बंगलादेश १ सय ६ रनमा अलआउट

एजेन्सी । घरेलु टिम भारतविरुद्धको दोस्रो टेष्ट क्रिकेटको पहिलो इनिङ्समा बंगलादेश १ सय ६ रनमा अलआउट भएको छ ।

कोलकातामा टस जितेर पहिले ब्याटिङ गरेको बंगलादेश पहिलो दिन शुक्रबार ३० ओभर ३ बलमा अलआउट भएको हो ।

पिंक बल टेष्टमा बंगलादेशका लागि शादमन इस्लामले २९ रन बनाए । यस्तै रिटायर्ट हर्ट भएका लिटोन दासले २४ तथा नायम हसनले १९ रन जोडे ।

बंगलादेशलाई सस्तैमा समेट्न भारतका इशान्त शर्माले २२ रन खर्चेर ५ विकेट लिए । उमेश यादवले ३ तथा मोहमद शामीले २ विकेट लिए ।