प्रधानमन्त्री ओलीसँग सचिनको भेट

काठमाडौं । नेपाल भ्रमणमा रहेका भारतीय क्रिकेट लिजेण्ड सचिन तेन्दुलकरले नेपालका प्रधानमन्त्री केपी शर्मा ओलीसँग भेट गरेका छन् ।

प्रधानमन्त्री ओलीले सचिनलाई प्रधानमन्त्री निवास बालुवाटारमा आइतबार भेट गरेका हुन् । प्रधानमन्त्री ओलीले सामाजिक संजाल ट्वीटरबाट सचिनसँग भेट गरेको जनाएका छन् ।

युनिसेफको सद्भावना दूत रहेका सचिन बाल अधिकार सम्बन्धि एक कार्यक्रममा सहभागी हुन नेपाल आएका हुन् ।

क्रिकेटको भगवानको रुपमा चिनिने सचिन शुक्रबार राति नेपाल आईपुगेका थिए ।

सचिनको टिमले शनिबार टियु क्रिएक्त मैदानमा नेपाली राष्ट्रिय टिमका पूर्व कप्तान विनोद दासको टिमसँग मैत्रीपूर्ण खेल खेलेका थिए ।