पारसको टिम आबु धाबीद्वारा १ सय ४ रनको लक्ष्य

काठमाडौं । नेपाली राष्ट्रिय क्रिकेट टिमका निवर्तमान कप्तान पारस खड्का रहेको टिम आबु धाबीले टी-१० क्रिकेट लिगको पहिलो खेलमा क्वालान्डर्सलाई जितका लागि १ सय ४ रनको लक्ष्य दिएको छ ।

युएईको आबु धाबीमा टस हारेर पहिले ब्याटिङ गरेको आबु धाबीले १० ओभरमा ६ विकेट गुमाएर १ सय ३ रन बनायो ।

आबु धाबीका लागि कोरी एण्डरसनले सर्वाधिक ४३ रन बनाए । यस्तै लुक राइटले २०, निरोशन डिक्वेलाले १७ तथा लेविस ग्रेगोरीले ११ रन बनाए ।

डेब्यु खेलाडी पारसले अविजित ३ रन बनाए ।

क्वालान्डर्सका लाहिरु कुमाराले २ विकेट लिए ।