एजेन्सी । ईङ्लिस प्रिमियर लिग फुटबलमा टोटेनहमले निराशाजनक बराबरी खेलेको छ ।
आईतबार राति भएको खेलमा टोटेनहमले एभर्टनसंग १–१ गोलको बराबरी खेलेको हो ।
सेन तोसुनले ९७ औ मिनेटमा हेडमार्फत गोल गर्दै टोटनहमलाई अंक बाँड्न बाध्य बनाए ।
तर एभर्टनका आन्द्रे गोमेज गम्भिर चोट बोक्दै मैदान बाहिरिएपछि खेलको नतिजा छाँयामा पर्यो ।
बिरामीका कारण ह्यारी केन अनुपस्थित रहेको खेलको ६३ औ मिनेटमा डेली अलीले टोटेनहमलाई अग्रता दिलाएका थिए ।
तर माउरिसियो पोचिटिनोको क्लबले अग्रतालाई जोगाउन असफल रह्यो । सन ह्युङ मिनको खराब ट्याकलका कारण गोमेज खुट्टमा गम्भिर चोट बोक्न बाध्य भए । सन ह्युङले ७९ औ मिनेटमा रातो कार्ड समेत खादै मैदान बाहिरिए ।
टोटेनहमले बाँकी समय १० खेलाडीमा सिमित रहेर खेलको अन्त्य गरेको थियो ।
टोटेनहम १३ अंक सहित तालिकाको ११ औ स्थानमा छ । एभर्टन ११ अंक जोड्दै रेलिगेशन जोनभन्दा एक स्थान माथि छ ।
