काठमाडौं । बि एन्ड बीका बालकुन्द ढुङ्गाना र टियुका खेमराज भट्ट अन्नपूर्ण पोस्ट् कर्पोरेट ब्याडमिन्टन प्रतियोगिता अन्तर्गत कर्पोरेट सिंगल स्पर्धाको क्वार्टरफाइनलमा प्रवेश गरेका छन् ।
त्रिपुरेश्वर स्थित राष्ट्रिय खेलकुद परिषद् (राखेप) कभर्ड हल कोर्टमा सोमबार देखि सुरु भएको प्रतियोगितामा बालमुकुन्दले इनास इन्टरप्राईजेजका राजु बास्तोलालाई २१–१४, २१–१० को सोझो सेटमा हराए । खेमराजले सिल्क ग्रुपमा रमेश शेर्पाबाट वाकओभर पाउँदै क्वार्टरफाइनलमा स्थान बनाए ।
सोही स्पर्धाको अर्को खेलमा स्टार इनभेष्टमेन्टमा दिनेश राईले पनि क्वार्टरफाइनलमा स्थान बनाएका छन् । दिनेशले जेष्ठ ब्याडमिन्टनका मधुसुदन पाठकलाई २१–१३, २१–१० को सोझो सेटमा पाखा लगाए ।
ज्योती विकास बैंकका विकास मर्हजन र महालक्ष्मी पेन्टका प्रदिप मर्हजन एक्जुकेटिभ डबल्स स्पर्धाको क्वार्टरफाइनलमा प्रवेश गरेका छन् । राखेप कभर्डहलमा सोमबार भएको खेलमा विकास र प्रदिपको जोडीले आचार्य ट्रेडर्सका केशव आचार्य र अरुण प्रसाद द्वालाई २१–९, २१–१२ को सेटमा हराए ।
सोही स्पर्धाको अर्को खेलमा जेष्ठका अखिल श्रेष्ठ र रोमन बानियाको जोडीले नेपाल टेलिकमका हरिकृष्ण शर्मा र सुरेन्द्र कार्कीको जोडीलाई २१–७, २१–१७, कामना सेवाका विशाल खडेका र बीएनएम सरप्राईजकका विश्वास नेपालले आरबीबीका पुष्पचन्द्र थापा र गुप्त केसीको जोडीलाई २१–६, २१–९ को सेटमा पाखा लगाए ।
महालक्ष्मी पेन्टका शात्त डंगोल र दिपेश शाक्यको जोडीले अल्फान्सो रिसोर्टका इशान खड्का र ओम थापाको जोडीलाई २१–७, २१–१७ ले हराउँदै क्वार्टरफाइनलमा स्थान बनाए ।
सोही स्पर्धाको अर्को खेलमा नारायणी मिल्कका अविशेक बोस शुसिल श्रेष्ठको जोडीले भारतीय दुतावासका डिके सिंह र अमिल डुवेसँग वाकओभर पाए ।
अर्को खेलमा नेआका राजु मर्हजन र श्रीप्रसाद धिमालको जोडीले जेष्ठका मधुसुदन पाठक र राम त्रिपाठीको जोडीलाई २१–१२, २१–१५, जेष्ठका सुजन थापा र रामकुमार वानियाको जोडीले भारतीय दुतावासका केएम प्रफुलेन्द्र शर्मा र सफल लामाको जोडीलाई २१–७, २१–४ तथा महालक्ष्मीका रविप मर्हजन र भुवन शर्माको जोडीले नेआका विष्णु मास्के र सरोज तामाङको जोडीलाई २१–६, २१–१० को सेटमा हराउँदै क्वार्टरफाइनलमा पुगेका छन् ।
-1750132667.webp)
