टेकबहादुर चोखाल स्मृति फुटसल बुधबारबाट

धनगढी । पूर्व मन्त्री स्वर्गीय टेकबहादुर चोखालको सम्झनामा निसर्ग अस्पताल टेक बहादुर चोखाल स्मृति कप फुटसल प्रतियोगिता बुधबारबाट हुने भएको छ ।

पब्लिक मिडिया नेपालको आयोजना र टेकबहादुर चोखाल फाउन्डेसनको सहकार्यमा प्रतियोगिता असोज ८ देखि ११ गतेसम्म हुनेछ । धनगढीको फ्ल्याटल्याण्ड फुटसलमा आयोजना हुने प्रतियोगितामा धनगढी उपमहानगरपालिका वडाका टीमहरु सहभागी हुने जानकारी दिईएको छ ।

निसर्ग अस्पतालको मुख्य प्रायोजनमा हुने प्रतियोगिताको विजेताले नगद ३० हजार पाउने छन् । यस्तै उपविजेताले १५ हजार नगद प्राप्त गर्ने आयोजकले जनाएको छ ।